Inauguración estelar a remates de agosto

Hoxe é un grande día en Cabanas... O alcalde piloto vai inaugurar a caseta de turismo e uns parques de xogos no Areal, segundo La Voz.

A última semana de agosto é o momento idóneo para facer estas inauguracións. Os xogos serán para tapar o abandono dos parques das parroquias, denunciado por Galiza Nova.

A caseta de turismo, como a caseta de socorrismo municipal que vemos na foto, preséntase de cara á celebración do rally en meses vindeiros.

A realidade é que deixamos atrás un verán desastroso no areal da Madalena, unha falta de atención ás cuestións básicas e o primeiro ano en que houbo lume no piñeiral. Así o denuncian desde esta web.

Só nos queda lembrar a molesta e protestada ocupación e obstrución do paseo marítimo por unha firma privada que viña vender Wiifeets co concurso e convite do goberno de comenencia PP-AEC.

Outro ano para o recordo.