1. Aprobación acta setembro. Todos.
2. Ratificación acordo Xunta de Goberno Local sobre subvención PXOM. Todos a favor, pero unicamente o BNG presentou observacións que non agradaron ao equipo de goberno:
O presuposto para o Plan Xeral vai ser menor que o da anterior lexislatura e foi pactado por PP-AEC para 2007 cando aprobaron o presuposto do presente ano (con Don Pepe Rey de alcalde).
DATOS. A licitación de 2007 é de 123.000 euros, mentres que a licitación 2005-2006 fora de 175.174,62 euros. Polo tanto reduciron en 52.174,62 euros o que representa que PP-AEC traballan para un PXOM de segunda.
Ademais o BNG criticou que non se dese conta no Pleno ordinario da semana pasada tal e como acordou a propia Xunta de Goberno Local. Aínda por riba o Pleno da Corporación tivo que remendar a solicitude da Xunta de Goberno, porque PP-AEC non renunciaran á anterior subvención expresamente e polo tanto a solicitude parte realmente do Pleno da Corporación.
3. Proposta desafección escola das Viñas. Todos a favor de que quedase sobre da mesa.
O BNG expuxo que habería que reabrir a escola de infantil que pechou con Pepe Rey e PP gobernando con pactos de conveniencia, tal e como o BNG solicitou no Pleno. Ademais, tamén recriminou o BNG a infrautilización dos edificios públicos: Concello novo, Concello vello e Apeadoiro do ferrocarril na parroquia de Cabanas.
O grupo de goberno conxelou temporalmente a súa proposta para presentar un estudo.
4. Solicitude financiamento mellora de abastecemento de auga. Todos a favor, menos o BNG que se abstivo.
Acordo: "Solicitar á Xunta de Galicia... o financiamento da mellora do abastecemento de auga a Cabanas co obxecto de atende-las necesidades de suministro no concello e de maneira específica na parroquia de Laraxe"
O BNG solicitou a retirada da proposta posto que non ten o aval da Comisión veciñal nin dos veciños afectados que demandan solucións para a falla que hai neste momento.
Esta proposta xa fora demandada longamente pola corporación municipal (solucións da Ribeira -aprazada por oposición PP-PSOE-, do Belelle -descartada segundo o alcalde- e Río Eume -sen especificar o lugar nin o proxecto nin nada-) e segundo estimacións oficiosas do grupo de goberno tardaría entre 5 e 10 anos a dotación de auga...
A proposta foi presentada sen proxecto e só foi un afectado dos pozos.
En resposta posterior ao BNG non saben nada dos 550.000 euros comprometidos por Augas de Galiza no exercicio de 2007.
5. Solicitude modificación transporte escolar. Todos a favor, menos o BNG en contra.
Acordo: "Apoio do pleno para seguir adiante con estas medidas [restitución da antiga liña de transporte dende Soaserra e cambio de zona educativa] encamiñadas a evita-lo desarraigo social dos máis cativos, xa que os pais e nais dos nenos dese entorno teñen os nenos matriculados no devandito colexio "Eladia Mariño" e as actividades preescolares tamén as están realizando no mesmo colexio".
Distintas fontes indican que o acordo que adoptou o Pleno camufla deliberadamente a realidade da zona.
O BNG tratou de aclarar que significa a expresión "reinserción do transporte" e o alcalde explicou que consistía en "cambiar de zona educativa para o Eladia Mariño". Os nenos e nenas que desexen ir ao Mosteiro de Caaveiro en vindeiros cursos poden quedar sen transporte escolar cando tradicionalmente os nenos de Regoela e Soaserra foron ao Mosteiro de Caaveiro.
Apuntan que foi moi clarificadora a explicación de Campos cando indicou que un dos motivos para votar a favor desta demanda era que o taxi pagado polo Concello de Cabanas no que veñen dous nenos empezaba a ser moi criticado popularmente (agora dedícase a defender ao segundo candidato do PSOE?).
Tamén o PSOE puxo o seu gran de area ofrecendo o transporte mixto de maiores con nenos. E como é que hai cartos para un taxi para dous nenos e non para un microbús?
A recuperación da liña de transporte do Eladia Mariño sería unha boa nova, pero restando a liña do Mosteiro de Caaveiro non o é tanto porque limita a libre elección dos pais.
Dende o BNG consideran ademais que é un agravio comparativo que a protesta de dous reciba o apoio incondicional do goberno local de PP-AEC, mesmo cunha reunión coa inspectora da zona, mentres que ante as advertencias de perigosidade dunha das liñas por parte dun número bastante maior de pais o goberno local quedou de brazos cruzados.
6. Apoio declaracón Torre de Hércules da Coruña como ben do patrimonio mundial. Unanimidade.
7. Proposta IEN para construción convencional na antiga Astano. Todos a favor.
Iniciativa IEN para solicitar a construción civil de buques na antiga Astano. O vindeiro 31 de decembro remata a moratoria que lle impide ó estaleiro de Fene funcionar coma un máis dentro do grupo Navantia. A solicitude final do escrito é para que Xunta e Goberno central negocien con Europa a carga de traballo, plena ocupación, e que as auxiliares entren dentro do negocio directamente.
8. Mocións PSOE e BNG sobre violencia de xénero. Todos a favor.
Lectura das mocións do BNG e do PSOE.
Moción do PP: Como agravante comparativo despois de rexeitar o goberno de conveniencia a introdución de propostas nacionalistas, o PP introduciu unha moción sen rexistro (da que ao parecer non entregaron copia) coa autorización do alcalde.
9. Moción BNG sobre galescola. Todos a favor.
Disque todos a levaban no programa, pero en realidade só a propuxo o Grupo municipal do BNG outra vez máis. Quen impulsa a través do Pleno o desenvolvemento dos Servizos Sociais no Concello de Cabanas? O BNG.
