Resulta unha boa nova que se eliminen as pasaxes a nivel do vello camiño de ferro. En efecto, puidemos comprobar como agora se pode circular sen cruzarse co tren dende hai unhas semanas. Os veciños están contentos, moi contentos de ter mellores accesos, con anchos de cando menos 6 metros, e ademais de que señan axeitados ao contorno, soterrando en Chamoso o que puido ser un murallón da vergoña. Estas dúas demandas sinxelas foron propostas polo BNG na pasada lexislatura, a través do concelleiro José Antonio Doce, e apoiadas por moitos veciños e veciñas que vían lóxica por fin nun concello habituado a bandalladas.
Como se pode ver, os descoidos da ADIF non só se circunscriben ao uso desactualizado da toponimia do noso concello e xa daquela presentaba uns proxectos pouco axeitados á realidade das Modias e de Chamoso. Agora tamén nos agasallou, aproveitando a incompetencia municipal, con dúas chambonadas: a supresión das beirrarúas na subida de Suances, en Chamoso (non debe chegar a expropiación!) e a falta de embocadura da pasaxe das Modias co camiño de Río Castro, que obrigou a facer moito recheo. Eran cousas que a ADIF debía de ter en conta porque así quedou disposto. Pero o goberno actual non 
está para iso, o alcalde limítase a contestar no Pleno ao BNG que se cumpriu a proposta do Pleno e, a verdade, con dicir que pouco lle importaba o tema quedaba mellor.Por outra banda, xa é vox populi que a licitación da redacción do Plan Xeral de Ordenación Municipal quedou deserta. En fin, que máis se pode dicir... O PXOM non é o Regulamento Orgánico nin o "ordeno y mando".
Un PXOM sen diálogo está difícil nos tempos que corren. Mal empezou e peor acabou, demostrando unha vez máis a incapacidade da coalicion de comenencia PP-AEC de avanzar no importante para a xente.
