Vaia almorzo de prensa temos hoxe. Por unha banda La Opinión infórmanos da chegada da grúa deficitaria da coalición de comenencia e pola outra La Voz entrevista ao alcalde, que se foi de vacacións para atender o rally de Ferrol.Resulta xa moi serio que os veciños e veciñas de Cabanas, un concello pequeno de 3.300 habitantes, vaiamos pagar o déficit da grúa municipal. Máis cando este servizo está pensado para problemas puntuais dos meses de verán -xullo e agosto fundamentalmente-. Polo tanto estamos ante unha prestación municipal pensada para unha minoría que terá que pagar, a través dos impostos xerais, unha maioría que pouco se poderá servir dela. Nada estraño, por certo, na política dos partidos gobernantes, PP e AEC.
Mentres o alcalde deixa unha semana o goberno para dedicarse ao que máis lle interesa: o automobilismo. Vaise de Cabanas na época en que máis fai falta alguén ó frente do Concello para organizar e traballar, cando máis xente hai. As súas declaracións son excelentes, "Esta semana estoy de vacaciones para poder seguir haciendo lo que me gusta" [os rallys].
Ningún comentario:
Publicar un comentario