A wimax de Vilar do Colo xa é unha realidade para Laraxe

A Consellería de Innovación e Industria investiu 240.000 euros nunha instalación que opera R

A empresa R comezou a contratar esta semana o servizo wimax nos fogares de Laraxe. A rede está máis preto e con condicións de máis calidade para os fogares e para as empresas grazas á instalación da Consellería de Innovación e Industria no polígono de Vilar do Colo. A Xunta inaugurara no mes de xaneiro pasado unha instalación que permite a conexión sen fíos a preto de 100 vivendas de Laraxe. Así o anunciara daquela a directora xeral de Promoción Industrial e da Sociedade da Información, Helena Veiguela.

Esta infraestrutura permite a contratación, a través da operadora R, da conexión a Internet de banda larga e a voz por IP con grande calidade, fiabilidade e capacidade de servizo. Ata agora, a conexión a Internet limitábase á contratación de servicios ADSL rural (500 kb) ou móbil (2 mb), pero o servizo, segundo os veciños, é insuficiente para as necesidades actuais de acceso ás TIC.

Servizo de R
A antena erguida pola Consellería de Innovación na rúa Río dos Carneiros do parque empresarial permítelles recibir o sinal ás parroquias de Laraxe (O Pereiro e A Torre) e parte das fenesas de Magalofes e Barallobre. Os prezos varían segundo as opcións de contratación de 2, 4, ou máis Mb con prezos moi competitivos. O teléfono de información xeral de R para os fogares interesados é o 1445.

A chegada da banda larga sen fíos a Laraxe é para o portavoz do BNG de Cabanas, Xosé Manuel Pérez Sardiña, «un paso fundamental para o avance da sociedade da información en igualdade de condicións para a zona rural».

A partir de agora corresponderalle á Xunta entrante dotar ao rural de Cabanas de acceso a internet a través de banda larga.

O Grupo Municipal do BNG recorre ao Valedor do Pobo ao considerar vulnerados os seus dereitos

No día de onte, o Grupo Municipal do BNG presentou unha queixa perante o Valedor do Pobo na que lle solicita a supervisión do expediente de solicitude da Sala de Plenos cursado a semana pasada polo alcalde do PP, Germán Castrillón. Segundo a consideración do Grupo Municipal o alcalde do PP vulnerou un dereito básico recoñecido na lexislación de ámbito local.

O BNG aclara que, segundo puido comprobar en diversos medios de comunicación, o salón de plenos foi usado fóra do horario de oficinas por diversas asociacións sen impedimento do alcalde e que os sábados un funcionario de garda abre a Casa do Concello de 10.00 a 13.00 h, sendo a reunión prevista cos veciños ás dez da mañá.

Tamén o pasado luns, o BNG reclamou da alcaldía unha relación de usos específicos da Sala de Plenos, sen as sesións da Corporación, a relación de solicitudes e mais as resolucións motivadas de autorización dende o mes de xuño de 2007.

O BNG revisará os usos da Sala de Plenos co goberno do PP

Nun encontro de corredor producido o pasado venres 13 na casa do Concello entre o alcalde de Cabanas e o portavoz municipal do BNG, Xosé Manuel Pérez Sardiña, Germán Castrillón atribuíulle á nota de prensa do xoves en La Opinión a súa decisión de non autorizar o uso da Sala de Plenos. Estamos ante un xeito difamatorio de esquecer que el mesmo lle negara verbalmente á viceportavoz do Grupo Municipal, Teresa García, o acceso a ese espazo xa o martes. O BNG evidenciou nese comunicado os atrancos inxustificables que estaba a poñer a alcaldía por unha "rabieta" sen sequera contestar a solicitude escrita a dous días da reunión.

O xoves pasado, a "rabieta" do rexedor atopou unha coartada que se argallou a raíz dunha xuntanza co Grupo Mixto e que consistía en que o encontro se celebrase entre ese Grupo e a Comisión veciñal nas escolas de Laraxe ou Lavandeira.

A resposta irregular da alcaldía chegou a mans do BNG o venres 13, ao tempo que La Opinión difundía a nova "Castrillón cede el Consistorio a la organización de un rally y no a los vecinos", lanzada polo Grupo Mixto despois da reunión. O portavoz municipal veuse obrigado a subliñarllo ao representante do PP.

As irregularidades do alcalde impediron acceder a dous locais non solicitados previamente polo BNG e deixan sen contestación regulamentaria a solicitude do martes pasado. Deste xeito, Germán Castrillón imposibilitou coa súa nefasta xestión a reunión prevista tal e como se pode comprobar hoxe en La Opinión.

O Grupo do Bloque anunciou onte que vai solicitar os usos específicos da Sala de Plenos nestes dous anos de coalición PP-AEC e mais vai poñer todo o expediente de solicitude da Sala de Plenos en coñecemento do Valedor do Pobo.

Lexislación relacionada:
Real Decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das Entidades locais
Artigo 28.
1. Os grupos políticos poderán facer uso de locais da Corporación para celebrar reunións ou sesións de traballo con asociacións para a defensa dos intereses colectivos, xerais ou sectoriais da poboación.
2. O Presidente ou o membro corporativo responsable da área de réxime interior establecerán o réxime concreto de utilización dos locais por parte dos grupos da Corporación, tendo en conta a necesaria coordinación funcional e de acordo cos niveis de representación política de cada un deles.
3. Non se permitirá este tipo de reunións coincidindo con sesións do Pleno ou da Comisión de Goberno.

O alcalde do PP trata de entorpecer un encontro entre veciños e oBNG

O alcalde denegou verbalmente o uso da sala de Plenos para un encontro entre o Grupo Municipal do BNG e a Comisión Veciñal de Seguimento dos Impostos
O Grupo Municipal do BNG, a través da súa viceportavoz, Teresa García, solicitoulle por escrito ao alcalde de Cabanas a sala de Plenos para poder manter un encontro coa Comisión Veciñal de Seguimento dos Impostos o vindeiro sábado ás 10 h. Así, o alcalde, que chegou despois das 9 h á casa consistorial, contestoulle malhumoradamente á portavoz do BNG que non se poderá desenvolver nese espazo. Ademais, inquiriulle se tiña cita previa para falar con el.
Teresa García criticou que o alcalde “ben podería madrugar” e “estar á súa hora” pola contía que lle aboa o Concello de 35.000 euros/ano. A concelleira do BNG queixouse do método de cita previa que o PP aplica “a quen lle apetece” e considera este método “doutros tempos pasados”. Sería unha “afrenta moi grave” segundo a viceportavoz nacionalista non permitirlle o uso da sala de Plenos “para dialogar o pobo e mais o grupo maioritario da oposición, despois de que o propio alcalde usase a mesma sala o mércores pasada para os mesmos fins”. Calquera impedimento pola parte do PP “terá unha resposta democrática do BNG”.
Para o portavoz municipal do BNG, Xosé Manuel Pérez Sardiña, a lei é “igual para todos e haina que cumprir”. Neste sentido, considera “un atropelo máis que o alcalde entorpeza a reunión para amordazar o diálogo e a participación democrática dos veciños nos asuntos públicos” e aclara que a intención do Grupo municipal será facer do Concello “a casa do pobo celebrando alí a reunión á hora prevista”.
Cabanas, 10 de marzo de 2009

Actualización: A esta xuntanza tamén se vai sumar o Grupo Mixto (PSOE e IVC).

O PP vai volver ao pasado coa urbanización das parcelas Q

En vez de andar para diante, o PP cambia cara ao pasado e fai como os cangrexos unha marcha atrás cara a unha aposta pola especulación que tantos problemas acarrexa na economía a nivel mundial.

Hoxe coa máscara do Concello sacou un novo globo sonda a través dun xornal comarcal e reclamou a urbanización das parcelas Q a capricho libre. Xa aprendemos que unha cousa é predicar e outra dar trigo, e o PP non tarda nin un minuto en cambiar de traxe.

Diario de Ferrol
El Concello urge la urbanización de la manzana Q del polígono Vilar do Colo
El área industrial está comunicada con la AP-9, con la vía Ares-Mugardos y con la N-651
P.C.C. > FERROL El municipio de Cabanas tiene en el polígono de Vilar do Colo su cara más industrial y menos conocida de un ayuntamiento que hasta hace relativamente poco tiempo tenía en el turismo y en todo lo que rodea al citado sector su principal fuente de ingresos y de generación de riqueza.

Mesón fundado en 1922 desaparece segundo un xornal da comarca

O mesón O'Cabazo desapareceu misteriosamente no día de onte segundo un xornal comarcal que cita fontes de Costas do Estado. Mira aquí o delirio poselectoral.
Será a "Santa Mafia"? Como pode desaparecer algo que está no seu sitio e á vista?
Como non se preocuparon da desaparición dos piñeiros tirados do temporal?

Evasivas do PP á Comisión veciñal

Onte mércores tivo lugar unha reunión entre o alcalde popular, Germán Castrillón, e mais unha Comisión veciñal contra a suba de impostos na sala de Plenos do Concello.

De súpeto, o alcalde do PP pasa á defensiva e responsabiliza ao Penso da suba de impostos e evita definir a súa política fiscal e orzamentaria. Vai escapar do furado coa redacción dun "Plan Económico" que só se aplica cando se está á bancarrota.

Unha mala nova, posto que recoñece que non tardaron o PP e AEC máis de dous anos en poñer todo a ruche, e máis sorprendente non pode ser xa que acontece xusto despois de aprobar a suba máis grande dos impostos na historia democrática.

Agora ben, o bipartito particular nunca poderá negar que o Concello retribúeo con máis de 120.000 euros/ano sen moverse da Casa Consistorial.

Referencia:
Cabanas supedita la bajada de tributos a la aprobación de un plan económico
El alcalde justifica la subida del IBI en la situación de las arcas municipales, y la comisión vecinal que exige el recorte de los impuestos le reprocha que conteste con "evasivas"

Eleccións de Galiza en Cabanas

Os resultados comparados co 2005 (esquerda)-2009 (dereita)! ;)

Felicitamos ao pobo galego polo seu pronunciamento e desexámoslle ao PP sorte no novo reto que lle acaba de encargar a xente de Galicia.

Sentimos profundamente a embriaguez de poder dalgúns exaltados e condenamos o acontecido na mesa de Porto onde unha electora lle tirou fortemente do colgante da credencial a unha interventora.