O temporal destes días pasados levou algo máis que follas e pólas secas...
Houbo algún aproveitado que apañou o que poido.
E coma sempre chama clamorosamente a atención o silencio da Demarcación de Costas, de asociacións que disque defenden a natureza (Avedena) e de partidos contentos co aplaudido rexedor (aínda que lle haxa que dar algún que outro tironciño de orellas por aquilo de disimular).
O traballo foi completo como podedes observar
E hai pino verde:
O mellor de todo foron as contradicións do alcalde solitario:
La Voz de Galicia"Rey informó ... que solamente habían talado un par de ejemplares ..." e "El regidor aseguró que contaban con el permiso de la Demarcación de Costas ... un estudio previo antes de emprender la tala".
Saberemos cantos pinos ordenou cortar o Sr. Rey? Parece que foi o Seprona por alí o mesmo mércores pola mañá e fixo informe, xa se saberá con exactitude. Aínda que polos rumores que corren hai couces ocultos con terra e garuma. As persoas que se chegaron por alí declaran que non só eran exemplares secos ou que estorbaran e afirman que cortaron árbores sas e en perfecto estado que non lle estorbaban a naide.
O estrago que ordenaron non o merece Cabanas nin os seus homes e mulleres... O ridículo, unha vez máis, vai para o mesmo lado.
Quen lle dá igual o ocorrido ou mesmo o valora a menos pouco lle importa o ben público e o marabilloso pinar atlántico que temos en Cabanas.
Quedan menos de tres meses para que o pobo poña a cadaquén no seu lugar.
Xosé Manuel Sardiña e Xaime Bello
Velaí tedes un módulo da depuradora da Veiga, en Laraxe. Esta vai ser a primeira en ser instalada pola Deputación da Coruña. Agardamos que o traballo iniciado polo BNG continúe por esta liña tanto para Porto como para as parroquias rurais. Para seguir hai que xestionar diante da Xunta e da Deputación os fondos necesarios para ter saneado todo o Concello no próximo mandato.
